Əsirlikdə olan mülki vətəndaşımız sabah qaytarılacaq

APA-nın “Novosti-Armenia” saytına istinadən verdiyi məlumata görə, bu barədə Ermənistan müdafiə Nazirliyinin mətbuat xidməti xəbər yayıb.

Xəbərdə bildirilir ki, həmin şəxs Ermənistan sərhədini qeyri-qanuni keçib.
Nazirliyin mətbuat xidmətindən bildirilib ki, təhvil vermə noyabrın 4-də saat 12.00-da Ermənistan-Azərbaycan təmas xəttinin şimal-şərqində - İcevan-Qazax yolunda baş tutacaq. Məlumatda, həmçinin deyilir ki, bu aksiya oktyabrın 27-də Həştərxanda Ermənistan, Azərbaycan və Rusiya prezidentlərinin imzaladıqları sazişə əsasən həyata keçirilir.

Qeyd edək ki, hazırda Ermənistanda əsirlikdə olan Tovuz rayon Əlibəyli kənd sakini, 1963-cü il təvəllüdlü Tağıyev Eldar Heydər oğlu 2009-cu il dekabrın 28-i, saat 18.00 radələrində Tovuz rayonunun Əlibəyli kəndi istiqamətində, təmas xəttinin yaxınlığında atəşə tutulub, daha sonra erməni hərbçiləri tərəfindən girov götürülüb.