Fəlakət Riskinin Azaldılması üzrə Milli Platforma ilə bağlı seminar keçirilib

Lent.az-ın Fövqəladə Hallar Nazirliyinin saytına istinadən verdiyi məlumata görə, seminarda fövqəladə hallar nazirinin müavini general-mayor Etibar Mirzəyev də iştirak edib.

Tədbirə qonaq qismində qatılan UNISDR Cənubi Asiya və Qafqaz regionu üzrə regional əlaqələndiricisi Gülsarə Pulatova Fəlakətlərin Azaldılması üzrə Beynəlxalq Strategiya haqqında ətraflı məlumat verib. O, həmçinin Qazaxıstanda və digər dövlətlərdə tətbiqi tövsiyə olunan milli platformadan bəhs edib.

Daha sonra Mərkəzi Asiya və Qafqaz regionu üzrə Hioqo Fəaliyyət Proqramının əlaqələndiricisi Əbdürrəhim Mühidov 2005-ci ilin yanvarında Yaponiyanın Kobe şəhərində keçirilmiş Fəlakətlərin Azaldılması üzrə İkinci Ümumdünya konfransında 168 hökumət tərəfindən qəbul edilmiş Hioqo Fəaliyyət Proqramı haqda seminar iştirakçılarını məlumatlandırıb.

Sonda seminar iştirakçılarını maraqlandıran suallar cavablandırılıb.