İraqda ölən azərbaycanlı zəvvarın meyiti Azərbaycana gətirilib

Bu barədə APA-ya mərhumun ailəsindən bildirilib. Onların sözlərinə görə, İ. Rüstəmovun meyiti bu gün səhər İran sərhədindən Azərbaycan ərazisinə keçirilib. Mərhumun cəsədi bu gün ailəsinə təhvil veriləcək.

Hadisə zamanı yaralan üç nəfər Bakı şəhər sakinləri - Elvin Aslanov, Elçin Tahir oğlu Abdullayev və Elçin Vahid oğlu Abdullayev ötən gün Azərbaycana gəliblər.

Qeyd edək ki, hadisə oktyabrın 13-ü, səhər saat 10.00 radələrində İraqın Diyava vilayətində, kürdlərin kompakt yaşadığı ərazidə qeydə alınıb. Hadisə zamanı soydaşlarımızdan İntiqam Rüstəmov həlak olub, Elvin Aslanov, Abdullayev Elçin Tahir oğlu və Abdullayev Elçin Vahid oğlu yaralanıblar. Ayağından yaralanan Elvin Aslanov Bağdada aparılıb, orada cərrahiyyə əməliyyatı olunub. Ümumilikdə Azərbaycandan heyətdə 54 zəvvar olub. Onlardan 50-si ziyarəti davam etdirir.

Xarici İşlər Nazirliyi isə növbəti dəfə Azərbaycan vətəndaşlarını İraqa səfərdən çəkinməyə çağırıb.