Məşhur aktyor ağır vəziyyətdədir

Lent.az-ın “CNN”ə istinadən verdiyi məlumata görə, bunu bir az əvvəl Maykl Duqlasın baş rolda çəkildiyi “Uoll-strit: Pul həmişə xilas etmir” filminin rejissoru Oliver Stoun söyləyib.

Filmin kinoteatrlarda nümayişi ilə əlaqədar rejissorla Avropa səfərinə çıxmalı olan Maykl Duqlas müalicəsini davam etdirmək üçün ABŞ-da qalmağa üstünlük verib.

Aktyorun qırtlağında xərçəng bu ilin avqustunda aşkara çıxarılıb. Həmin vaxt xəstəlik 4-cü, ən ağır mərhələdə olub. Maykl Duqlas bildirib ki, onun qırtlağında ilin əvvəlindən güclü ağrılar başlayıb, ancaq həkimlər uzun müddət bunun səbəbini müəyyənləşdirə bilməyiblər. Yalnız bu ilin avqustunda xüsusi laboratoriyada aparılan tədqiqatlardan sonra diaqnoz qoymaq mümkün olub. Aktyor müsahibələrinin birində deyib ki, siqaret və alkoqollu içkilərdən çox istifadə edib, bu da bu xəstəliyə tutulma riskini artırıb.

Maykl Duqlas britaniyalı aktrisa Ketrin Zete-Consla evlənib. O, hollandiyalı aktyor Krik Duqlasın oğludur və 2 dəfə “Oskar” mükafatına layiq görülüb.