Sabunçuda yol qəzası: iki yaralı - FOTO

Sabunçu rayon Yol Polis İdarəsindən Lent.az-a verilən məlumata görə, qəza nəticəsində mikroavtobusun sürücüsü və bir nəfər ağır xəsarət alıb. Yaralıların hər ikisi Sabunçu qəsəbə xəstəxanasına aparılıb. Yol Polisi idarəsindən o da bildirildi ki, yaralıların adı Zaur və İmrandır. Hər iki yaralı hazırda şok vəziyyətində olduğundan şəxsiyyətlərini dəqiqləşdirmək mümkün olmayıb. İlkin ehtimallara görə, “Kamaz” “Ford” markalı mikroavtobusun yoluna çıxıb. Nəticədə sürətlə hərəkə edən “Ford” arxadan yük maşınına çırpılıb.

Qeyd edək ki, qəzadan sonra Sabunçu qəsəbəsi ilə Əzizbəyov metrostansiyası arasında təxminən 15-20 dəqiqəlik tıxac yaranıb. Hadisə yerinə gələn Dövlət Yol Polisinin əməkdaşları əzilmiş maşınları yolun hərəkət hissəsindən çıxardıqdan sonra normal gediş-gəliş bərpa olunub.

Nizam Rza