Bakıda tikinti şirkətinin direktorunun evinə basqın olub
21 iyul 2010 12:00 (UTC +04:00)

Bakıda tikinti şirkətinin direktorunun evinə basqın olub

Özlərini işıq idarəsinin işçiləri kimi təqdim şəxslər bir nəfəri yaralayıb, mənzili soyublar

Bakıda tikinti şirkətinin direktorunun evinə basqın olub. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, iyulun 20-də saat 10:00 radələrində naməlum şəxslər “TAN-İnşaat” tikinti şirkətinin direktoru Sevinc Məmmədovanın Xətai rayonu, Senyuşkin küçəsində yerləşən mənzilinə giriblər.

Onlar özlərini işıq idarəsinin əməkdaşları kimi təqdim edərək mənzilə daxil olub, orada xadimə işləyən Majena Xakipura bıçaqla xəsarət yetiriblər. Naməlum şəxslər evdən 15 min manat dəyərində qızıl-zinət əşyaları, 2000 manat dəyərində 2 ədəd kişi pencəyi, təxminən hər biri 1500 manat olan 4 yataq dəsti götürüblər.

Vüqar Baba
# 334

Oxşar yazılar