“Merecedes”lə “Pejo” toqquşdu: 3 ölü, 3 yaralı

Mərdəkan şossesində ölümlə nəticələnən qəza baş verib

İyulun 17-də saat 22:30 radələrində Mərdəkan şossesində 3 nəfərin ölümü ilə nəticələnən yol nəqliyyat hadisəsi baş verib. Bakı şəhər Baş Polis İdarəsindən Lent.az-a verilən məlumata görə, Mamed Qasımovun idarə etdiyi “Mersedes” markalı və İlqar Quliyev idarə etdiyi “Pejo” markalı avtomobillər toqquşub.

Nəticədə “Mersedes” markalı avtomobilin sürücüsü Mamed Qasımov və sərnişini Elçin Paşayev hadisə yerində ölüb, digər sərnişini Nərminə Əliyeva xəsarət alıb.

“Pejo” markalı avtomobilin sərnişini Sədaqət Rəhimova hadisə yerinə ölüb, sürücü İlqar Quliyev və sərnişini Ülviyyə Rəhimova xəsarət alaraq 3 saylı xəstəxanaya yerləşdiriliblər.

Vüqar Baba