Mikroavtobusla “VAZ 2107” toqquşdu: 2 ölü, 9 yaralı

Bakının Qaradağ rayonunda mikroavtobusla minik maşını toqquşması nəticəsində 2 nəfərin ölümü, 9 nəfərin yaralanması ilə nəticələnən qəza baş verib. Lent.az-ın Daxili İşlər Nazirliyinə istinadən verdiyi məlumata görə, Vaqif Məmmədovun idarə etdiyi “Ford” markalı mikroavtobusla Ələt qəsəbə sakini 19 yaşlı Anar Əzizovun idarə etdiyi “VAZ 2107” markalı maşınlar toqquşub.

Nəticədə “VAZ 2107” də olan 2 nəfər - sürücü və onun sərnişini 19 yaşlı Valeh Gərayov hadisə yerində ölüb.

“VAZ-2107”-nin sərnişinləri - 23 yaşlı Elgün Mustafayev, 18 yaşlı Əziz Əzizov, “Ford”un sürücüsü V. Məmmədov, sərnişinləri Kiçikxanım Bünyatova, Zərifə İsmayılova, Pərviz Hümbətov, Rəna Xudaverdiyeva, Eldar Cabbarov və Samirə Zamanova xəsarətlə xəstəxanaya yerləşdiriliblər.

Vüqar Baba