“Kurtlar vadisi”ndə “İsgəndər”in asılması səhnəsi gerçək oldu

Həmin səhnəni təkrarlamaq istəyən azyaşlı boğulub öldü
İstanbulda azyaşlı qardaş-bacının oyunu ölümlə nəticələnib.

Lent.az “Milliyet”ə istinadən xəbər verir ki, kiçik yaşlı qardaş-bacı “Kurtlar vadisi pusu” serialında “Ebru” və “İsgəndər Böyük” xarakterlərinin asılması səhnəsindən təsirlənib. Onlar həmin səhnəni təkrarlamaq istəyiblər. 8 yaşlı Onur Təpə özündən kiçik bacısı ilə oyun oynayırmış. Oyun zamanı Onur anasının yaylığının bir ucunu boğazına keçirib, digər ucunu isə qızdırıcının borusuna bağlayıb, özü də divanın üstünə çıxıb.

Qəfildən uşağın ayağı sürüşüb və o, borudan asılı vəziyyətdə qalıb. Balaca qız qardaşının bu vəziyyətini görəndə dərhal yan otaqdakı valideynlərinə xəbər verib. Xəstəxanaya çatdırılan azyaşlının həyatını xilas etmək mümkün olmayıb.