Hacıqabuldakı qəzanın təfərrüatları məlum olub

5 nəfər ölüb, 8 nəfər isə yaralanıb

Bakı-Qazax yolunun Hacıqabul rayonunun Muğan qəsəbəsindən keçən hissəsində ağır yol qəzası baş verib. APA-nın yerli bürosunun xəbərinə görə, hadisə səhər saatlarında qeydə alınıb. Gəncədən Bakıya doğru hərəkət edən sərnişin avtobusunun hələlik markası açıqlanmayan avtomobillə toqquşub, ölənlər var.

Baş Dövlət Yol Polis İdarəsindən Lent.az-a hadisənin detalları barədə məlumat verilib. Məlumata əsasən, saat təxminən 05:45-də baş vermiş hadisədə iri sərnişin avtobusu ilə yük maşını toqquşub. Təmir işi üçün yolun kənarında saxlayan yük maşını ilə toqquşma nəticəsində yük maşını 40 metrə yaxın sürütlənib. Yük maşınının sürücüsü və sürücü köməkçisi ölüb. Avtobus sərnişinlərindən də 3 nəfər hadisə yerində keçinib.

Hadisə nəticəsində avtobusun 8 nəfər sərnişini də yaralanıb.

Vüqar Baba