Qətldə təqsirləndirilən şəxsə bəraət verildi
11 mart 2010 14:00 (UTC +04:00)

Qətldə təqsirləndirilən şəxsə bəraət verildi

Məhkəmə qəsdən adam öldürməkdə təqsirli bilinən şəxsə bəraət verib.


Martın 11-də Ağır Cinayətlərə Dair İşlər üzrə Məhkəmədə həmyerlisini öldürməkdə təqsirləndirilən Tərtər rayon sakininin cinayət işi üzrə məhkəmə prosesi başa çatıb.


Lent.az-ın məlumatına görə, hakim Eldar Mikayılovun sədrliyi ilə keçirilən prosesdə təqsirləndirilən Fuad Allahverdiyevin Azərbaycan Respublikası Cinayət Məcəlləsinin 120.2.4-cü (xüsusi amansızlıqla qəsdən adamöldürmə) maddəsi ilə cinayəti sübuta yetirilməyib.


Məhkəmə onun barəsində bəraət hökmü çıxarıb və məhkəmə zalından azadlığa buraxıb.


İttihama görə, Fuad Allahverdiyev 2009 il iyunun 19-da Tərtər rayonunun Yenikənd qəsəbəsində həmyerlisi Fərman İsmayılovu qətlə yetirib.


Fərid Əkbərov
# 487

Oxşar yazılar