Astarada torpaq üstündə qan töküldü
27 fevral 2010 16:00 (UTC +04:00)

Astarada torpaq üstündə qan töküldü

Astarada qonşular arasında torpaq üstündə yaranmış münaqişə bıçaqlanma ilə nəticələnib.


Bu barədə Lent.az-ın bölgə müxbirinə Astara rayon Polis Şöbəsinin müstəntiqi Teymur Ələkbərov məlumat verib. Onun bildirdiyinə görə, hadisə bu gün günorta saatlarında rayonun Ərçivan kəndində qeydə alınıb. İki qonşu arasında qonşuluq münasibətləri zəminində yaranmış münaqişə bir nəfərin bıçaqlanması ilə nəticələnib.


Kənd sakinləri Mehman İbrahimovla qonşuları Elbrus Əliyev və onun oğlu Etibar Əliyev arasında torpaq üstündə başlanan mübahisə dərinləşərək təhlükəli həddə çatıb. Elbrus Əliyevin həyat yoldaşı Zəhra Əliyeva araya girib. Mehman İbrahimovun endirdiyi bıçaq zərbələri 56 yaşlı Zəhra Əliyevanın kürək nahiyəsindən dəyib. Nəticədə Zəhra Əliyeva ağır xəsarətlə Lənkəran RMX-na çatdırılıb. Xəstəxanadan verilən məlumata görə hazırda qadının üzərində əməliyyat aparılır.

Faktla bağlı cinayət işi başlanıb. Araşdırmalar gedir.

Pərvanə Əli
# 620

Oxşar yazılar