Çayxanada partlayış, 2 yaralı
18 fevral 2010 14:00 (UTC +04:00)

Çayxanada partlayış, 2 yaralı

Səbail rayonu ərazisində İqtisad Universitetinin qarşısında yerləşən “Karvan” çay evində partlayış baş verib.



Fövqəladə Hallar Nazirliyinin hadisə yerində olan əməkdaşlarının Lent.az-ın müxbirinə verdiyi məlumata görə, saat təxminən 09:30-da baş verən hadisəyə qaz sızması səbəb olub. Çayxananın mətbəxində qaz sızıb və otaqda işıq yandırılan zaman partlayış baş verib.


Hadisə nəticəsində xəsarət alanlara Klinik Tibbi Mərkəzdə ilk yardım göstərilib. Yaralanan iki nəfərdən biri – kafeni işlədən 20 yaşlı Anar Novruzov Lent.az-a açıqlamasında yüngül xəsarət aldığını deyib. Anar Novruzov söyləyib ki, müştərilərdən heç kəs xəsarət almayıb.



Vüqar Baba
# 293

Oxşar yazılar