Zakir Qaralov Çexiya şirkətini məhkəmədə uddu

Səbail rayon məhkəməsində Çexiyanın “Harvard Sənaye Holdinqi” Səhmdar Cəmiyyətinin Azərbaycanın baş prokuroru Zakir Qaralova qarşı iddiasına baxılıb.

Lent.az-ın məlumatına görə, hakim Nurəddin Bağırovun sədrliyi ilə keçirilən iclasda məhkəmə Çexiya şirkətinin müraciətini qəbul etməyib, Z.Qaralovun xeyrinə qərar çıxarıb.

Qeyd edək ki, Səhmdar Cəmiyyəti bir müddət əvvəl Zakir Qaralova müraciət edib. Ancaq baş prokuror müraciətlərə cavab verməyib. Şirkət baş prokurorun hərəkətsizliyi barədə iddia qaldırıb. Məhkəmə isə iddianı rədd edib.

“Harvard Sənaye Holdinq” Səhmdar Cəmiyyəti baş prokurora ünvanladığı müraciətdə cəmiyyətin keçmiş prezidenti Viktor Kojenni, onun şəriki Boris Vostri və digərlərinin törətdikləri əməllərin düzgün araşdırılması xahiş edilib.

Fərid ƏKBƏROV