DİN “Star” şirkətini məhkəməyə verdi

Daxili İşlər Nazirliyinin (DİN) Avtomobil Təsərrüfatı İdarəsi “Star” şirkətini məhkəməyə verib. Lent.az-ın əldə etdiyi məlumata görə, nazirlik şirkətin DİN-in müvafiq idarəsinə 21 790 manat ödəməsini tələb edir.

Belə ki, 20 mart 2007-ci ildə “Star” şirkəti əməkdaşının idarə etdiyi “AzSamand” markalı avtomobil içərisində DİN-in Dövlət Yol Polisi işçiləri olan “Volkswagen” markalı avtomobillə toqquşub. Hadisə nəticəsində “AzSamand”da olan iki sərnişin həlak olub və “Volkswagen”in əzilməsi nəticəsində DİN-ə külli məbləğdə - 21790 manat ziyan dəyib. İstintaq nəticəsində günahın “Star” şirkətinin əməkdaşı olan sürücüdə olduğu üzə çıxıb, məhkəmə onu 5 il müddətinə azadlıqdan məhrum edib.

Hadisədən xeyli vaxt keçməsinə baxmayaraq “Star” şirkəti DİN-ə dəyən ziyanı ödəmədiyindən nazirlik 1 saylı Bakı Yerli İqtisad Məhkəməsinə müraciət ünanlayıb.

İddiaya yaxın günlərdə baxılacaq.

Pərvin ABBASOV