“VAZ-21010” ağaca çırpıldı: 2 yaralı
15 fevral 2010 19:45 (UTC +04:00)

“VAZ-21010” ağaca çırpıldı: 2 yaralı

Lənkəran rayonunda iki nəfərin ağır xəsarət alması ilə nəticələnən yol-nəqliyyat hadisəsi baş verib. Bu barədə Lent.az-ın bölgə müxbirinə Lənkəran Şəhər Polis Şöbəsindən məlumat verilib.

Məlumatda bildirilib ki, rayonun İstisu qəsəbəsində qeydə alınan hadisə zamanı qəsəbə sakini, 1988-ci il təvəllüdlü Cəmil Mehman oğlu Əmirovun idarə etdiyi “VAZ-21010” markalı, 42 BL 883 dövlət nömrə nişanlı avtomobil idarəetməni itirərək, yolun kənarındakı ağaca çırpılıb.

Nəticədə sürücü və maşında olan İstisu qəsəbə sakini, 11 yaşlı Elşən Şirvan oğlu Nağıyev müxtəlif bədən xəsarətləri alaraq, Lənkəran Mərkəzi Rayon Xəstəxanasına yerləşdiriliblər. Xəstəxanadan yaralıların vəziyyətlərinin hazırda orta-ağır olduğu deyilib.

Qəzaya səbəb kimi sürücünün sürət həddini aşması göstərilir.

Faktla bağlı Lənkəran ŞPŞ-də araşdırma aparılır.

P. Əli
# 328

Oxşar yazılar