Əfşar Süleymaninin evlilik həyatını sübut edən görüntülər!

İranın Azərbaycandakı sabiq səfirinin Əfşar Süleymani xəstəxanaya öz əli ilə yazılı müraciət edib

İranın Azərbaycandakı sabiq səfiri Əfşar Süleymani mətbuata açıqlama verərək jurnalist Şəmsiyyə Bəylərqızı ilə ailə qurmadığını, bu xanımın yalan danışdığını söyləyib. İddia edib ki, sadəcə, Şəmsiyyə Bəylərqızı onun haqqında kitab yazıb, etimadını qazanıb, sonra da bu etimaddan sui-istifadə edib.

Lent.az Şəmsiyyə Bəylərqızı ilə müsahibə götürməklə bərabər, sabiq səfirin bu xanımla evlənmədiyi barədə söylədiklərini təkzib edən sənədlər əldə edib.

Bu sənədlər sırasında Əfşar Süleymaninin İstanbuldakı alman xəstəxanasına əllə yazılmış yazılı müraciəti də var. Sabiq səfir bu müraciətində deyir ki, ondan götürülmüş mənin həyat yoldaşı (eşi-red.) Şəmsiyyə Bəylərqızına köçürülməsinə razıdır. Müraciətinə imza atan səfir sənədi barmağı ilə də imzalayıb.

İranda rəsmi kəbin və molla kəbini, Azərbaycanda molla kəbini ilə Əfşar Süleymani ilə evlənən Şəmsiyyə Bəylərqızı Lent.az-a sabiq səfirlə evli olduğu, eyni zamanda hamiləlik dövründə Bakıda, İstanbulda və İranda çəkdirdiyi ailəvi şəkilləri təqdim edib. Jurnalist xanımın Lent.az-a təqdim etdiyi şəkillər sırasında övladları 4 aylıq olarkən ailəvi çəkdirdikləri bir şəkil də var.

Cütlüyün münasibətləri pozulduqdan sonra Şəmsiyyə Bəylərqızı atalığın təyin olunması, alimentin verilməsi barədə Nəsimi Rayon Məhkəməsinə müraciət edib və məhkəmə 008-ci il noyabrın 14-də qərar çıxarıb. Şəmsiyyə Bəylərqızı məhkəmə hökmünün orijinalını da Lent.az-a təqdim edib.