Marşrut qəzasında ölənlərin sayı 5-ə çatdı

Bu gün saat 7:30 radələrində Binəqədi yolunda, Poladəritmə zavodunun yaxınlığında, “Emil Petrol” yanacaqdoldurma stansiyasının qarşısında 165 və 106 saylı marşrutla hərəkət edən avtobuslar toqquşması nəticəsində ölənlərin sayı 5 nəfərə çatıb.

Bu barədə Lent.az-a Binəqədi rayon Polis İdarəsindən məlumat verilib. Məlumatda bildirilib ki, qəzada ölənlər “Daewoo” markalı 106 nömrəli marşrutun sürücüsü, 1954-cü il təvəllüdlü Rasim Seyfullayev, 165 nömrəli, “İveco” markalı 165 nömrəli marşrutun sürücüsü, 1967-ci il təvəllüdlü Əhmədov Ağabala Surxay oğlu, sərnişinlər 1950-ci il təvəllüdlü Quliyeva Minəxanım Ağaqulu qızı, 1983-cü il təvəllüdlü Məlikov Murad Teymur oğlu və şəxsiyyəti hələlik məlum olmayan 45-50 yaşlarında bir kişi olub.

Qəza nəticəsində yaralanan 8 nəfər isə Kliniki Tibbi Mərkəzə yerləşdirilib.