Şirvanda avtomobillərdən oğurluq edən şəxs həbs edilib

Şirvan. Әlibәy Zeynallı-APA. Şirvanda avtomobillərdən oğurluq edən şəxs həbs edilib.

Bu barәdә APA-nın Mil-Muğan bürosuna Şirvan şəhər polis şöbəsinin rəis əvəzi İrşad Rzayev məlumat verilib.
Məlumata görə Hacıqabul rayon Bakı küçəsi ev 40 ünvanında yaşayan 1978-ci il təvəllüdlü Hüseynov Vüqar Əlifaiz oğlu 16-23 dekabr tarixlərində gecə yarıdan keçmiş Şirvan sakinləri Cəfərov Cavidə məxsus VAZ 2106 , İbişov Ceyhuna məxsus VAZ 2106, Abuzərov Habilə məxsus VAZ 21011, Elvin Tahiroğluna məxsus VAZ 2107, Musatafayev Şahinə məxsus VAZ 2107 markalı avtomobillərdən ümumi dəyəri 1000 manatdan çox olan maqnitafon, monitor, təkərlər və disklər, akkumlyatorlar, müxtəlif ehtiyyat hissələri, şüşələr və digər əşyalarını oğurlayıb. Şirvan şəhər polis şöbəsinin müstəntiqi Vüsal Məhərrəmov qeyd etdi ki, istintaq nəticəsində daha bir neçə oğurluq faktının üzə çıxmasını istisna etmir. Keçirilmiş əməliyyat tədbirləri nəticəsində oğurluqda təqsirli bilinən Hüseynov Vüqar Əlifaiz oğlu həbs edilib. Faktla bağlı Şirvan şəhər polis şöbəsində cinayət işi açılıb, araşdırma aparılır.