Sevgililər özlərini 7-ci mərtəbədən atıblar

Türkiyənin Sivas şəhərində 17 yaşlı Şeyda Ö. bir ay əvvəl özündən 3 yaş kiçik A.S.C. ilə sevgi macərası yaşamağa başlayıb.

Lent.az-ın Türkiyənin “Vatan” qəzetinə istinadən verdiyi məlumata görə, 11-ci sinifdə oxuyan qız və 9-cu sinifdə oxuyan oğlan sevişmək üçün ev axtarıblar.

Dekabrın 21-də evdə anasına sinif yoldaşları ilə kinokluba gedəcəyini söyləyən Şeyda Ö. A.S.C. ilə görüşüb. Onlar A.S.C.-nin dayısı Mustafa C.-nin Şeyxsami məhəlləsində yerləşən, heç kim yaşamayan evinə gediblər.

Qızın anası övladı axşam evə gəlmədiyi üçün onu aramağa başlayıb. Məlum olub ki, Şeyda Ö. kinokluba getməyib, 14 yaşlı oğlan sevgilisi ilə görüşə çıxıb.

Gənc sevgililərin axtarışına oğlanın da valideynləri qoşulub və A.S.C.-nin valideynləri Mustafa C.-nin mənzilinin açarlarından birinin evdən götürüldüyünü fərq ediblər. Axşam saat 20:00-da valideynlər sevgililərin sevişdikləri evə gəliblər. A.S.C-nin atası digər açarla mənzilin qapısını açmağa başlayıb.

Bu zaman özlərini itirən 17 yaşlı qız və 14 yaşlı oğlan 7-ci mərtəbədə yerləşən mənzildən özlərini aşağı atıblar. Gənc qız hadisə yerində ölüb. Sümükləri qırılan A.S.C. isə ağır vəziyyətdədir, həkimlər onu həyata qaytarmağa çalışırlar.