Bakıda toyda kütləvi dava: bəyin başına butulka çırpdılar

Bakı şəhərinin Nizami rayonu ərazisində keçirilən toy mərasimində dava düşüb. Rayon Polis İdarəsindən Lent.az-a verilən məlumata görə, 8-ci kilometr qəsəbəsində yerləşən “Elşən” şadlıq evində keçirilən toy mərasimi zamanı qonaqlar arasında dava olub. Bu zaman adı hələlik dəqiqləşdirilməmiş şəxs aranı sakitləşdirmək istəyən bəyin başına butulka çırpıb. Bəy, 1978-ci il təvəllüdlü Hacıyev Elnur Ənvər oğlu ağır vəziyyətdə xəstəxanaya yerləşdirilib. Yüngül xəsarət almış şəxslər isə ambulator müalicəyə yazılıb.

Faktla əlaqədar Cinayət Məcəlləsinin 221-ci (xuliqanlıq) maddəsi ilə iş başlanılıb.

Araşdırmalar davam etdirilir.

Nizam RZA