Azərbaycanda nəzarətsiz qalmış körpə faciəvi şəkildə öldü

Rayon Polis Şöbəsindən Lent.az-a verilən məlumata görə, Xocavənd kəndi yaxınlığında yerləşən fermada 20 yanvar 2011-ci il tarixində anadan olmuş Məmmədzadə Sənan Pərviz oğlunu elektrik cərəyanı vurub. Valideynlərinin nəzarətindən kənar qalmış azyaşlı fermanın yaxınlığından keçən və izolyasiyası köhnəlmiş naqilə toxunub. S.Məmmədzadə hadisə yerindəcə keçinib.

Məlumata görə, azyaşlının valideynləri həmin fermada işləyir və onlar fermadakı mənzildə yaşayırmış.

Fakt üzrə araşdırmalar aparılır.

Nizam RZA