Sərhədimizi pozan gürcü və ermənilər saxlanılıb
25 sentyabr 2012 13:23 (UTC +04:00)

Sərhədimizi pozan gürcü və ermənilər saxlanılıb

Azərbaycan Dövlət Sərhəd Xidmətinin (DSX) əməkdaşları Ağstafa rayonu ərazisindəki Ağgöl gölündə dövlət sərhədini pozmuş 6 Gürcüstan vətəndaşını sərhəd pozucusu qismində saxlayıb.

Bu barədə APA-ya DSX-dən məlumat verilib.

Hadisə sentyabrın 23-də baş verib. Gürcüstan vətəndaşları 1 ədəd rezin və 1 ədəd dəmir qayıqla dövlət sərhədini pozarkən Azərbaycan sərhədçiləri tərəfindən saxlanılıb.

İlkin araşdırma zamanı sərhəd pozucularının Gürcüstan vətəndaşları - 1962-ci il təvəllüdlü Xixityaşvili Zurab Konstantinoviç, 1954-cü il təvəllüdlü Qoqilyadze Nodar Sergeyeviç, 1976-cı il təvəllüdlü Zabiyev Valeri Kiktaroviç, 1943-cü il təvəllüdlü Arzumov Eduard Martinoviç, 1948-ci il təvəllüdlü Lexandiyan Sergey Suriyanoviç və 1948-ci il təvəllüdlü Sarkisyan Mişa Haykoviç olduğu müəyyənləşdirilib.

Hazırda faktla bağlı araşdırma tədbirləri davam etdirilir.
# 3168

Oxşar yazılar