Gömrükçülər dərman preparatları və “beşbarmaq” aşkar ediblər
11 sentyabr 2012 14:15 (UTC +04:00)

Gömrükçülər dərman preparatları və “beşbarmaq” aşkar ediblər

Tovuz Gömrük İdarəsinin “Sınıq Körpü” gömrük postunda Gürcüstandan ölkəmizə gələn Azərbaycan vətəndaşı Vaqif Nəsibovun idarə etdiyi “VAZ 2106” markalı minik avtomobilinə gömrük nəzarəti həyata keçirilib. Lent.az-ın Dövlət Gömrük Komitəsinin rəsmi saytına istinadən verdiyi məlumata görə, nəzarət zamanı həmin nəqliyyat vasitəsinin salonunda iki karton qutunun içindəki kitab-dəftərin altından 100 konvalyut - hər birində 10 həb olan “Finlepsin Karbamazepin 200 mq” və dörd karton qutu - hər biri 10 ampula olan “Vitamin B kompleks” dərman preparatları gömrük nəzarətindən gizlədilmiş şəkildə aşkar olunaraq saxlanılıb.

“Sınıq Körpü” gömrük postunda Türkiyədən respublikamıza sərnişin dəhlizi ilə gələn Azərbaycan vətəndaşı Ülfət Ağayevin əl çantasına “Smiths HS-100100 T-is” markalı X-RAY detektoru ilə gömrük nəzarəti həyata keçirilən zaman oradan əşyalara bükülmüş vəziyyətdə 1 ədəd “beşbarmaq” aşkar edilərək götürülüb.
# 837

Oxşar yazılar