“EuroHome” bazarındakı yanğın söndürüldü - FOTO - VİDEO - YENİLƏNİB
12 may 2020 01:31 (UTC +04:00)

“EuroHome” bazarındakı yanğın söndürüldü - FOTO - VİDEO - YENİLƏNİB

Bakının Binəqədi rayonunda ümumi sahəsi 22360 kvadratmetr olan “EuroHome” tikinti materialları bazarının 3300 kvadratmetr ərazisi yanıb.

Bu barədə APA-ya nazirliyin Dövlət Yanğından Mühafizə Xidmətinin rəisi Füzuli Əsədov bildirib.

F.Əsədovun sözlərinə görə, digər ərazi yanğından mühafizə olunub.

Əraziyə FHN-in 32 texnikası, 145 nəfər şəxai heyət cəlb edilib.

***

01:08

Bakının Binəqədi rayonunda “EuroHome” tikinti materialları bazarında baş verən yanğın söndürülüb. 

Bu barədə APA-ya Fövqəladə hallar nazirinin müavini Etibar Mirzəyev bildirib. 

Nazir müavini qeyd edib ki, artıq yanğın söndürülüb: "Hazırda ərazidə soyutma işləri aparılır. İlkin məlumata görə, yanğın bazarın birinci mərtəbəsinin 3500 kvadratmetr ərazisini əhatə edib".

***

00:38

Fövqəladə hallar naziri, general-polkovnik Kəmaləddin Heydərov Binəqədi rayonunda yanğının baş verdiyi əraziyə gəlib.

APA-nın müxbirinin hadisə yerindən verdiyi xəbərə görə, nazir yanğının baş verdiyi əraziyə baxış keçirib, yanğının söndürülməsi üçün görülən işlərlə tanış olub. 

***

23:38

Fövqəladə hallar nazirinin müavini Etibar Mirzəyev Binəqədi rayonunda yanğının baş verdiyi əraziyə gəlib.

APA-nın müxbirinin hadisə yerindən verdiyi xəbərə görə, yanğınla bağlı ilk məlumat alınanda ikinci dərəcəli çağırış verilib. 

Hadisə ilə əlaqədar ərazidə qərargah yaradılıb. Mağaza sahibləri mallarını çıxarmağa cəhd göstərirlər.  

***

23:20

Fövqəladə Hallar Nazirliyinin (FHN) "112" qaynar telefon xəttinə, Bakı şəhərinin Binəqədi rayonunda “EuroHome” tikinti materialları bazarı ərazisində yanğın olması barədə məlumat daxil olub. 

FHN-dən APA-ya verilən məlumata görə, dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.

Hazırda yanğınsöndürmə işləri davam etdirilir.

Əlavə məlumat veriləcək.

 

1 2 3 4 5 İDMAN XƏBƏRLƏRİ
# 22446
avatar

Oxşar yazılar