Biznesmen evini ana və üç uşaqla birlikdə satışa çıxardı

Yekaterinburqda iş adamı üç uşağı olan qadının qeydiyyatda olduğu mənzili satışa çıxarıb.

Lent.az Rusiya mediasına istinadla bildirir ki, kişi qanuni olaraq yaşayış sahəsi alıb və ona sərəncam vermək hüququna malikdir, lakin rus qadının da uşaqları kimi ömürlük mənzildə yaşamaq hüququ var.

Vaxtilə qadının valideynlərinə məxsus olan 3 otaqlı mənzil boşandıqdan sonra keçmiş həyat yoldaşı tərəfindən bankda girov qoyulub. Qadının sözlərinə görə, o, bunu aldatma yolu ilə edib. Kişi kredit pulunu biznesə yatırıb və müflis olub.

Əmlak hərracda satılıb və alıcı yerli iş adamı olub. Rus qadın daşınmaz əmlakın ərinə verilməsinə etiraz etmək üçün məhkəməyə müraciət edib, hakimlər onu dəstəkləməyiblər - lakin onlar qadına və uşaqlarına ömürlük mənzildə yaşamaq hüququ veriblər.

İndi ailə iki otaqda yaşayır, üçüncüdə isə qanuna görə, yeni ev sahibi qalır. Reallıqda isə o, orada yaşamır və hələ də qadın və uşaqları məhkəməyə verməyə çalışır.

Bu arada rus qadın yenidən ailə qurub, dördüncü övladı dünyaya gəlib. Amma ər ayrı yaşayır: məhkəmə ona yalnız başqa şəxsə məxsus mənzildə uşaqlarını ziyarət etməyə icazə verib.

Bu yaxınlarda qadın mənzilin yenidən satışa çıxarıldığını öyrənib - 3,1 milyon rubla (bazar dəyərindən 1,5-2 milyon aşağı). O, özü də mülkü 2 milyona almağa hazırdır, lakin sahibi bu məbləğlə razı deyil.