"Yapon dənizində batan "Vostok" balıqçı gəmisinin axtarışları davam etdiriləcək".
APA-nın Moskva müxbirinin verdiyi məlumata görə, bunu Rusiya fövqəladə hallar naziri Vladimir Puçkov bildirib.
"Vostok” gəmisinin axtarışları nə qədər lazımdırsa, o qədər davam edəcək. Əminik ki, gəminin ekipajı sağdır. Xilasetmə əməliyyatı nə qədər tələb olunursa, o qədər aparılacaq", - deyə rusiyalı nazir vurğulayıb.
Puçkov hazırda genişmiqyaslı axtarış əməliyyatının həyata keçirildiyini, FHN-nin aviasiyasının hadisə yerində işlədiyini söyləyib. Onun sözlərinə görə, rayonda müşahidə olunan ağır hava şəraiti xilasedicilərin işini çətinləşdirir.
Qeyd edək ki, Yapon dənizində batan "Vostok" balıqçı gəmisində Rusiya vətəndaşı olan azərbaycanlılar - Mübariz Hüseynov və Ruslan Əlizadə olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
