Misirdə də təriqətlərarası qarşıdurma başlayıb.
Lent.az-ın İTAR-TASS agentliyinə istinadən verdiyi məlumata görə, dünən Qahirədən 30 km uzaqlıqda yerləşən Zavayat Əbu Müslim kəndində vəhhabilər şiə şeyx Hassan Sexatanın evinə hücum çəkib.
Misirdə şiə təriqətinin ən nüfuzlu nümayəndələrindən sayılan Hassan Sexata Hüsnü Mübarəkin prezidentliyi dönəmində cadugərlikdə günahkar sayılaraq iki dəfə həbsxana həyatı yaşayıb. Vəhabilər Hassan Sexatanı şiəliyi yaymaqda günahlandırıb və onu əhalisinin əksəriyyəti sünni olan kəndə sürgün etməyi tələb ediblər. Hassan Sexata buna etiraz edib və bu səbəbdən də vəhabilər onun evinə hücum çəkib. Hassan Sexata, iki qardaşı və bir şiə döyülərək öldürülüblər.
Qeyd edək ki, Misirdə şiələrin sayı ilə bağlı rəsmi məlumat yoxdur. 85 milyon əhalisi olan Misirdə 850 min şiənin olduğu ehtimal edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
