Üsyançılar hərbi bazanı partlatdı: 15 hərbçi öldü, 20-si yaralandı

Yəməndə üsyançı husilərin hərbi bazada törətdiyi partlayış nəticəsində 15 hərbçi ölüb, 20-si yaralanıb. APA-nın “Assoşieyted Press”ə istinadən verdiyi xəbərə görə, insident Labuza şəhərində axşam saatlarında baş verib. Məlumata görə, üsyançı husilər hərbi bazanın ərazisində minalanmış avtomobili partladıblar.

Partlayış hərbçilər şəhəri üsyançılardan azad etdikdən bir neçə saat sonra törədilib.