Türkiyədə qəzaya uğrayan helikopterdəkilərin hamısı ölüb - 12 ŞƏHİD

Bu gün Türkiyənin Tunceli vilayətində qəzaya uğramış helikopterdəki şəxslərin hamının həlak olduğu məlum olub. Lent.az “Hurriyet”ə istinadən xəbər verir ki, dağlıq əraziyə düşən “Sikorsky S-70” tipli helikopterdəki 7 polis, 1 hakim, 1 hərbçi və 3 ekipaj üzvünün hamısının öldüyü dəqiqləşib.

Hazırda xilasetmə qrupları meyitlərin çıxarılmasına çalışır.

Qeyd edək ki, hadisə şahidləri helikopterin idarəetmədən çıxdığını aşağı-yuxarı hərəkət etdiyini və daha sonra qayalığa çırpıldığını deyiblər.

15:27

Tunceli valiliyi bu gün baş vermiş helikopter qəzası ilə bağlı açıqlama yayıb.

Lent.az “Hürriyət”ə istinadən xəbər verir ki, məlumatda qəzaya səbəb kimi hava şəraitinin çiskinli və yağışlı olması göstərilib. Qeyd edilib ki, helikopter vilayətin Pülümür rayonundan qalxıb və 10 dəqiqə sonra radarlardan itib. Helikopterdə 7 polis əməkdaşı, 1 hakim, 1 hərbçi və 3 ekipaj üzvü olub. Onların taleyi ilə bağlı hələlik dəqiq məlumat yoxdur.

***

15:05

***

Türkiyədə vertalyot qəzası baş verib. Lent.az-ın “Hürriyət”ə istnadən xəbər verir ki, hadisə Tunceli vilayətində baş verib. İçində 7 polis. 2 hakim və 3 ekipaj üzvü olan helikopter radarlardan itib. Daha sonra onun qəzaya uğradığı məlum olub.

Əraziyə xeyli təhlükəsizlik əməkdaşı və ambulanslar cəlb edilib.

Ölən və yaralanalar barədə hələlik məlumat yoxdur.