Yanvarın 20-də ABŞ prezidenti kimi fəaliyyətə başlayacaq Donald Tramp yeni hökumətin tərkibini formalaşdırır. Lent.az xarici mediaya istinadən xəbər verir ki, o, seçki kompaniya dövründə əks mövqedə dayanmış Mitt Romney ilə görüşüb. Nyu Cersidəki qolf klubunda baş tutan görüşdən əvvəl Tramp onu sərt tənqid edən respublikaçı lideri qapıda qarşılayıb. Trampın Massaçusets ştatının keçmiş qubernatoru ilə görüşdə nəyin müzakirə olduğu açıqlanmasa da, Romneyin yeni kabinetdə dövlət katibi vəzifəsini tuta biləcəyi iddia edilir.
Bildirilir ki, seçkidən əvvəl partiyadaxili səsvermə zamanı Trampa əks mövqedə olmuş və seçiciləri siyasətdən başı çıxmayan əmlak milyarderinə güvənməməmyə çağıran Romneyin yüksək vəzifə tutması realdır.
Qeyd edək ki, M.Romney Rusiyanı ABŞ-ın bir nömrəli düşməni adlandırıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
