Tailandda terror aktı: 50 yaralı

Tailandın Pattani əyalətində ticarət mərkəzinin qarşısında törədilən iki partlayış nəticəsində azı 50 nəfər yaralanıb. APA-nın “Gazeta.ru”ya istinadən verdiyi xəbərə görə, birinci partlayış ticarət mərkəzinin girişi yaxınlığında baş verib. İkinci partlayış isə insanlar obyekti tərk edən zaman baş verib.

Şahidlərin sözlərinə görə, partlayıcı qurğular ticarət mərkəzinin qarşısındakı avtomobildə olan naməlum şəxslər tərəfindən atılıb.

Digər məlumata görə, ticarət obyektinin qarşısında avtomobil partladılıb.

Hadisənin təfərrüatları dəqiqləşdirilir.