Suriyadakı hakim rejimə müxalif vəkil Musa Ermanı qaçırmaq istəyən 4 suriyalı Hatayda Türkiyə polisi ilə atışıb. Lent.az-ın “haberturk.com” saytına istinadən verdiyi məlumata görə, 48 yaşlı vəkili qaçırmaq istəyən suriyalılar Türkiyəyə qaçaq yolla keçiblər.
Suriya prezidenti Bəşər Əsədin tərəfdarı olan bu 4 nəfər Hatayda bir evdə qalan Musa Ermanın əllərini bağlayaraq avtomobilə mindirib. Avtomobil Yayladağ sərhəd-keçid məntəqəsinə istiqamətlənib. Hatay Polis İdarəsinin əməkdaşları şübhəli avtomobili təqib etməyə başlayıblar. Polisin avtomobilin dayandırılması tələbi isə suriyalılar atəş açmaqla cavab veriblər. Avtomobildən düşərək meşəyə qaçmağa çalışan suriyalılardan 2-si yaralı yaxalanıb. Digər 2 suriyalı da qısa müddətdə yaxalanıb. Olay zamanı qaçırılmaq istənilən Musa Erman yaralanmayıb.
Türkiyə polisinin xilas etdiyi Musa Erman Suriyada ciddi məhkəmə proseslərində vəkil olub, hazırda Suriya müxalifətinin liderləri sırasındadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
