Putin Ankaraya 18 nəfərlik xüsusi heyət göndərdi

Dünən Ankarada Rusiya səfirinin qətlə yetirilməsi ilə bağlı araşdırmalar davam etdirilir. Lent.az sözcü.com.tr-yə istinadən xəbər verir ki, Andrey Karlovun ölümünü araşdırmaq üçün Rusiyadan 18 nəfərlik heyət də Ankaraya gəlib. Heyət üzvləri dərhal səfirin meyitinin saxlandığı Keçiören Ədliyyə-Tibb İdarəsinə gedib.

Bildirilir ki, heyət Rusiya prezidenti Vladimr Putinin təlimatı ilə formalaşdırılıb. Heyətə prokuror, təhlükəsizlik ataşesi, tibb mütəxəssisləri, patoloji-anatomiya uzmanları və psixoloqlar daxildir.

Qeyd edək ki, rəsmi Moskva məlum cinayətlə bağlı istintaqda rus mütəxəssislərin də iştirakını tələb edib.