Misir prezidenti Nizamidən danışdı

Misir Ərəb Respublikasının prezidenti Məhəmməd Mursinin rəhbərliyi ilə Nizami Gəncəvi Beynəlxalq Mərkəzi və Qlobal Liderlər Şurasının əsas təsisçi qurumlarından biri olan məşhur İsgəndəriyyə Kitabxanasının Direktorlar Şurasının toplantısı keçirilib.

Diasporla İş üzrə Dövlət Komitəsinin mətbuat xidmətindən Lent. az-a verilən məlumata görə, Məhəmməd Mursi İsgəndəriyyə Kitabxanasının həm Misirin, həm də dünya mədəniyyətində oynadığı önəmli rolu qeyd edib və hökumətin hər zaman kitabxananın işinə yardım edəcəyini bildirib.

Görüşdə Qlobal Liderlər Şurasının Ali Nümayəndələri, Latviyanın keçmiş prezidenti Vayra Vike-Freyberqa və İsmayıl Seragəldin toplantıda Azərbaycanda keçiriləcək Cənubi Qafqaz Forumu və Nizami Gəncəvi Beynəlxalq Mərkəzi haqqında geniş məlumat veriblər. Məhəmməd Mursi Nizami Gəncəvinin böyük maraq doğurduğunu söyləyib, şairin irsinin Misirdə daha da geniş araşdırılmasını zəruri sayıb. O, Azərbaycanda keçiriləcək beynəlxalq əhəmiyyətli foruma uğurlar arzulayıb və Misirin bu forumda fəal iştirakını tövsiyə edib.