MAR-ın baş naziri istefaya göndərilib

Mərkəzi Afrika Respublikasının (MAR) prezidenti Fransua Bozize üsyançılarla əldə edilmiş razılıq çərçivəsində baş nazir Fosten-Arşanj Tuaderi istefaya göndərib.

Lent.az-ın «RİA-Novosti»-yə istinadən məlumatına görə, hökumət başçısını müxalifət təmsilçisinin əvəzləyəcəyi gözlənilir.

Tərəflər arasında əldə edilmiş anlaşmaya əsasən, 12 ay ərzində ölkədə növbədənkənar parlament seçkisinin keçirilməsi nəzərdə tutulub.

Prezident Fransua Bozize tutduğu vəzifədə qalacaq. Yeni baş naziri isə seçiləcək yeni parlament yenidən seçəcək. Bundan başqa razılaşmaya görə, bütün xarici hərbi qüvvələr də ölkədən çıxarılacaq.