Makronun seçki qərargahına haker hücumu oldu

Fransa prezidentliyinə namizəd Emmanuel Makronun seçki qərargahı haker hücumuna məruz qalıb.

APA-nın Reuters agentliyinə istinadən verdiyi xəbərə görə, naməlum hakerlər E.Makronun seçki qərargahının materiallarını internetdə yerləşdiriblər.

Bundan əvvəl WikiLeaks təşkilatı E.Makronun seçkiqabağı kampaniyasına aid təxminən 9 qiqabaytlıq faylları açıq girişdə yerləşdirib. Sənədlər aprelin 24-dək olan tarixi əhatə edir.

Fransada prezident seçkilərinin birinci turu aprelin 23-də baş tutub. Səsvermənin nəticələrinə görə, ikinci tura “İrəli” hərəkatının təsisçisi E.Makron və “Milli Cəbhə” partiyasının lideri Marin Le Pen adlaya bilib. Seçkilərin ikinci turu mayın 7-də keçiriləcək.