ABŞ-ın keçmiş prezidenti Bill Klinton dostuna, digər eks prezident Corc Buşa (böyük) baş çəkib.
Lent.az-ın “musavat.com”-a istinadən verdiyi məlumata görə, Texasda yerləşən Hyuston şəhərində baş tutan görüş barədə “Nyu York Daily News” xəbər verib. İnformasiyaya görə, Klinton 92 yaşlı təqaüdçüyə corab hədiyyə edib. Corabın üstü müxtəlif heyvan şəkilləri ilə bəzədilib. Nəşrin yazdığına görə, böyük Buş mütəmadi olaraq qeyri-adi corablar geyinir. Bunların sırasında isə üzərində superman şəkli olan corablar xüsusi yer tutur. “Biz onunla uşaqlardan, nəvələrdən, keçmiş və gələcəkdən danışdıq. Eyni zamanda corablar da bizim müzakirə mövzumuz oldu” – bunu isə Klinton Tvitter səhifəsində yazıb.
Böyük Buş sağ olan eks prezidentlər arasında ən yaşlı olandır. Amma o, hazırda Parkinson xəstəliyindən əziyyət çəkir və xüsusi kresloda hərəkət edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
