Krımda Heydər Əliyevin anım mərasimi keçirilib Azərbaycan icmasının rəhbəri Rəhim Hümbətovun Lent.az-a verdiyi məlumata görə, Sevastopoldakı məşhur “Sapun-qora”dakı abidənin qarşısına yığışan insanlar Heydər Əliyevi anıblar.
“Bu abidə 1974-cü ildə Böyük Vətən Müharibəsində Sevastopolda vuruşan azərbaycanlıların xatirəsinə ucaldılıb. Abidənin təşəbbüskarı isə məhz Heydər Əliyev olub” deyə Rəhim Hümbətov bildirib.
Hümbətovun dediyinə görə, Heydər Əliyev Krımı çox sevirmiş və məmnuniyyətlə bura istirahətə gəlirmiş. “Bundan başqa zaman-zaman Yaltada keçirilən dövlətlərarası sammitlərdə də iştirak edib”.
Xatırladaq ki, Krımdakı Azərbaycan icmasının təşəbbüsü və Azərbaycan prezidentinin sərəncamıyla adıkeçən abidənin rekonstruksiya edilməsi də nəzərdə tutulur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
