Fahişələr sosial sığorta ödənişləri edəcək

İspaniyanın Barselona şəhərində məhkəmə qərarı ilə fahişələr digər işçilərlə eyni statusda olacaqlar.

Axşam.az “Doğan” xəbər agentliyinə istinadən xəbər verir ki, fahişəliklə məşğul olan qadınlarla onları işə götürən sahibkarlar arasında müqavilələr bağlanacaq. Müqavilədə onların vəzifəsi “seks işçisi” kimi göstəriləcək. Beləliklə də, qadınlar sosial sığorta ödənişləri edə və öz gələcəklərinə sərmayə qoya biləcəklər.

Fahişəliyin leqal olmadığı İspaniyada fahişəliyə cəlbetməyə görə 4 il həbs cəzası verilirdi. Məhkəmə qərarından sonra ölkədəki barlarda, otellərdə, masaj salonlarında qeyri-qanuni seks xidməti göstərən, qadınları işlədən sahibkarlar artıq vergi verməklər rahat işləyə biləcəklər.

İspaniyada təxminən 500 min qadının fahişəliklə məşğul olduğu deyilir.