Dostunu iflic edənin onurğası sındırılacaq

Səudiyyə Ərəbistanının sakini 24 yaşlı Əli əl-Həvaxir dostuna ağır bədən xəsarəti yetirdiyi üçün «göz-gözə» prinsipinə əsasən cəzalandırılacaq.

Lent.az-ın «nyusru»-ya istinadən məlumatına görə, onu yetidiyi xəsarət nəticəsində dostu iflic olub. Ona görə də şəriət məhkəməsi Əli əl-Həvaxirini onurğa sütununun sındırılması haqda qərar qəbul edib.

Olay 10 il öncə baş verib. Onda hər iki dost yeniyetmə olub. Bıçaqlanmış yeniyetmə əlil arabasına mövhtac qalıb. Əgər ailəsi 250 min dollar kompensasiya ödəməzsə, o zaman Əlini oxxşar aqibət gözləyir.

Onun 60 yaşlı anası deyib ki, ötən bu illər ərzində qohum-əqraba nəzərdə tutulan vəsaiti toplaya bilməyib.

Mənbənin xatırlamasına əsasən, Səudiyyə Ərəbistanı kimi mühafizəkar ölkədə belə «göz - gözə» prinsipi nadir hallarda icra olunur. Sonuncu dəfə 2000-ci ildə məhkəmənin qərarı ilə öz həmvətəninin gözünə sulfat turşusu tökmüş bir misirlinin gözünü həkimlər çıxarmışdı.