Kanadada cinayətkarları təqib edən polis iti təsadüfən tapançadan atəş açıb. Lent.az-ın “RİA Novosti”yə istinadən verdiyi xəbərə görə, insident Kalqari şəhəri yaxınlığında baş verib. Yerli mağazalardan birinin qarşısında hücumun baş verdiyi barədə məlumat alan polis əməkdaşları dərhal hadisə yerinə yollanıb. Polislərin yaxınlaşdığını görən iki şübhəli şəxs hadisə yerindən meşəliyə doğru qaçıb. Bu zaman polis iti onları təqib etməyə başlayıb. Az sonra meşəlikdən atəş səsi eşidilib.
Atəşin açıldığı əraziyə gələn asayiş keşikçiləri hadisə yerində tapança aşkarlayıblar: “Polis iti kolların arasından tapança aşkarlayıb və pəncəsi ilə onu çıxarmağa çalışarkən silahdan atəş açılıb. İnsident nəticəsində xəsarət alan olmayıb”, - deyə polis idarəsinin məlumatında bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
