Çin ABŞ-ın hərbi təlimlərə qatılacaq

Çin Hərbi-Dəniz Qüvvələri 2018-ci ildə “Sakit okean hüdudu” (RIMPAC) beynəlxalq hərbi-dəniz təlimlərinə qatılacaq. APA-nın “Sinxua”ya istinadən verdiyi xəbərə görə, bu barədə Çin Xalq Respublikasının sədri Si Tzinpin bildirib.

ABŞ-ın təşkilatçısı olduğu RIMPAC hərbi-dəniz təlimləri iki ildən bir Havay adaları akvatoriyasında keçirilir. İlk təlimlər 1971-ci ildə baş tutmuşdu.

Çin RIMPAC təlimlərində ilk dəfə 2014-cü ildə iştirak edib.