Bu kadrlar almanları şoka saldı

Almaniya polisi naməlum şəxslərin metro stansiyasında qadına hücum səhnəsinin əks olunduğu video kadrları ictimailəşdirib. Lent.az-ın “Tagesspiegel”-ə istinadən verdiyi xəbərə görə, insident Berlin metropolitenində oktyabrın 27-də qeydə alınıb. Videoda dörd gəncdən birinin qadını arxadan təpiklə vurması və sonuncunun zərbədən yerə yıxılması əks olunub.

Qeyd olunan videoçarx alman cəmiyyətində geniş rezonansa səbəb olub. Hadisənin miqrantlar tərəfindən törədildiyi ehtimal edilir. Polis video kadrları ictimailəşdirməklə cinayətkarın tezliklə müəyyən edilərək saxlanılmasına ümid edir.