General Ağ Ev aparatına rəhbər təyin edildi

ABŞ prezidenti Donald Tramp daxili təhlükəsizlik naziri Con Kellini Ağ Ev aparatına yeni rəhbər təyin edib.

APA-nın xəbərinə görə, Tramp bu barədə öz “Twitter” səhifəsində bildirib. “General Con Kellini Ağ Ev aparatına yeni rəhbər təyin etdim. Bu barədə sizləri məlumatlandırmağa şadam”, - deyə o yazıb.

Onun sözlərinə görə, Kelli dahi amerikalı və gözəl liderdir: “O, Daxili Təhlükəsizlik Nazirliyində böyük işlər görüb və mənim administrasiyamda əsl ulduzdur”, - deyə o yazıb.

Ondan əvvəl Ağ Ev aparatına Rins Pribas rəhbərlik edib.