![[b]Tramp immiqrasiya qanunvericiliyini dəyişir[/b]](https://lent.az/site/assets/images/breaking-news/lentaz.png)
ABŞ prezidenti Donald Tramp immiqrasiya qanunvericiliyində geniş islahatlar həyata keçirməyə hazır olduğunu və bu işdə müxalifətin ona dəstək verəcəyinə ümid etdiyini bəyan edib.
APA-nın “RİA Novosti”yə istinadən verdiyi xəbərə görə, bu barədə D.Tramp senatorlarla keçirdiyi müşavirədə bildirib.
Prezidentin sözlərinə görə, o 3 prioritet məqsədə nail olmağa çalışacaq: sərhədlərin təhlükəsizliyini təmin etmək, “zəncirvari miqrasiya”ya (ABŞ-da yaşayan əcnəbilərin uzaq qohumlarının ölkəyə gələ bilməsi) son qoymaq, hər il ABŞ-a 55 min immiqrantın gəlişini təmin edən viza lotereyasını ləğv etmək.
“Bu tədbirlər şəhərlərimizi daha təhlükəsiz edəcək, onlar daha inkişaf etmiş olacaq. Bu islahatları immiqrantların əksər hissəsi dəstəkləyir. Mən burada toplaşanların hamısını birinci yerə partiyanı deyil, ölkəmizi qoymağa, danışıqlar masasına əyləşərək kompromisə nail olmağa çağırıram”, - deyə D.Tramp qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
