![[b]Meksikada zəlzələ qurbanlarının sayı 361-ə çatdı[/b]](https://lent.az/site/assets/images/breaking-news/lentaz.png)
Meksikada zəlzələ nəticəsində ölənlərin sayı 361 nəfərə çatıb.
APA-nın “İnterfaks” agentliyinə istinadən verdiyi xəbərə görə, təbii fəlakət nəticəsində ölənlərin sayının bundan sonra da artacağı gözlənilir. Paytaxt Mexikoda 7 mərtəbəli biznes mərkəzin dağıntıları altında qalanların axtarışı davam etdirilir. Azı 8 nəfər itkin düşmüş hesab edilir.
Bundan əvvəl zəlzələ nəticəsində 345 nəfərin öldüyü bildirilirdi. Paytaxt Mexikoda 39 yaşayış evi dağılıb, yüzlərlə ev qəzalı vəziyyətə düşüb.
Xatırladaq ki, sentyabrın 19-da Meksikada 7,1 bal gücündə zəlzələ baş verib. Yeraltı təkanların episentri ölkənin cənubunda yerləşib. Təbii fəlakət nəticəsində 4 milyon insan elektrik enerjisiz qalıb, ölkədə yüzlərlə yaşayış evi qismən və yaxud tamamilə dağılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
