![[b]Kipr üzrə danışıqlar bu gün davam etdiriləcək[/b]](https://lent.az/site/assets/images/breaking-news/lentaz.png)
Kiprin yunan və türk icmaları liderləri Nikos Anastasiadis və Mustafa Akıncı bu gün İsveçrədə ərazi məsələlərinə dair danışıqları bərpa edəcəklər. APA-nın “RİA Novosti”yə istinadən verdiyi xəbərə görə, görüşlərin iki gün davam edəcəyi planlaşdırılıb, lakin ehtiyac yaranarsa, danışıqların müddəti uzadıla bilər.
“Yeni raundun məqsədi – gələcəkdə konkret xəritədə əksini tapacaq meyarları razılaşdırmaqdır. Beləliklə, biz danışıqların növbəti, yekun mərhələsi barədə danışa biləcəyik”, - deyə Yunanıstan hökumətinin rəsmi nümayəndəsi Nikos Xristodulidis bildirib.
Qeyd edək ki, Kiprin yunan və türk icmaları liderlərinin danışıqları İsveçrənin Mon-Pelerin şəhərciyində keçirilir. Danışıqların hazırkı raundu noyabrın 7-də başlayıb, lakin noyabrın 11-də Nikos Anastasiadisin xahişi ilə dayandırılmışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
