Kayseridəki partlayışı kürd qruplaşması törədibmiş

Kürd Fəhlə Partiyası (PKK) terror təşkilatı ilə əlaqəli “Kürdüstan Azadlıq Şahinləri” (TAK) qruplaşması Kayseridəki terror aktına görə məsuliyyəti öz üzərinə götürüb.

APA-nın xəbərinə görə, bu barədə “RİA Novosti” məlumat yayıb.

Qeyd edək ki, bir neçə gün əvvəl Kayseridə törədilən partlayış nəticəsində 14 nəfər ölüb, 55 nəfər yaralanıb. Terrorçu-kamikadzenin idarə etdiyi avtomobil içərisində hərbçilərin olduğu avtobusa çırparaq, partlayıcı qurğunu işə salıb.

“Kürdüstan Azadlıq Şahinləri” qruplaşması dekabrın 10-da İstanbulun mərkəzindəki “Vodafon” stadionunun qarşısında törədilən iki partlayışa görə məsuliyyəti öz üzərinə götürüb. Həmin partlayışlar nəticəsində 44 ölüb, 38 nəfər yaralanıb.