İtaliyadakı qəzada ölənlərin sayı 27-yə çatdıı - YENİLƏNİB

İtaliyanın cənubunda iki qatarın toqquşması nəticəsində ölənlərin sayı 27 nəfərə, xəsarət alanların sayı isə 50 nəfərə çatıb.

APA-nın “Gazeta.ru”ya istinadən verdiyi məlumata görə, bu barədə “La Repubblica” nəşri məlumat yayıb. Bundan əvvəl ölənlərin sayının 23 nəfər olduğu bildirilirdi.

Qeyd edək ki, hadisə iyulun 12-də Bakı vaxtı ilə 13.00-13.30 radələrində Apuliya bölgəsində Corato və Andria qəsəbələri arasında baş verib.

Toqquşma nəticəsində qatarların vaqonları relsdən çıxıb, üç vaqon tamamilə yararsız hala düşüb.

Ölən və xəsarət alanlar arasında əcnəbilərin olmadığı bildirilir.

Maşinistlərdən biri sağ qalıb, onun vəziyyətinin ağır olduğu bildirilir. Qəzanın səbəbləri araşdırılır.

**** İyulun 12-si, 21.29

İtaliyanın cənubunda iki qatarın toqquşması nəticəsində ölənlərin sayı 23 nəfərə, xəsarət alanların sayı isə 50 nəfərə çatıb.

APA-nın “RİA Novosti”yə istinadən verdiyi məlumata görə, bu barədə “RaiNews24” telekanalı məlumat yayıb. Bundan əvvəl ölənlərin sayının 20, yaralıların – 35 nəfər olduğu bildirilirdi.

Qeyd edək ki, hadisə Bakı vaxtı ilə 13.00-13.30 radələrində Puqlia bölgəsində Corato və Andria qəsəbələri arasında baş verib.

Toqquşma nəticəsində qatarların vaqonları relsdən çıxıb, üç vaqon tamamilə yararsız hala düşüb.

Ölən və xəsarət alanlar arasında əcnəbilərin olmadığı bildirilir.

Qəzanın tək xətli dəmiryolunda qatarlardan birinin yaşıl işığı gözləmədən keçməsi səbəbindən baş verdiyi ehtimal edilir.